قوتادغو بیلیک

آلما یولونو باغلایاندا اؤزومه سؤز وئرمیشدیم یئنی سایت آچسام قطعن قوتادغو بیلیک نوتلاری ایله باشلایب داوم ائده.

بو نده‌نی گئرچکلشدیرمه‌یه سورکلی چالیشسام دا هله قوتادغو بیلیک قونوسوندا نوتلاریمی

سعید! ماندیللا اؤلدو

بیر بالاجا قارداشیم وارایدی نئچه هفته‌لیک ایدی بیلمیرم، خسته اولموشدو. آتام تهراندا خسته خانادا ایدی. منیم ایسه آلتی یاشم اولار اولماز. صبح یوخودان گؤزومو آچدیقدا گؤردوم آنام کورسونون او بیری بوجاغیندا ایچینی چکیر. منه باخیب دئدی: سئیید حیدر 

شعر 13

یارالاریما دا بیر شئی سؤیله

اونودوبلار اونلار

یارانیش تاریخلرینی

یورغونام آی تولدو!

هر دؤنه بیر شئی یازاندا  سؤزلوگه باخمالییام. بو دؤنه ده گرک باخام گؤرم:  قای‌ننه یازیلمالی یوخسا قایین آنا... آنا...

بلکه ده تورکلر بیر چوخ اؤلکه‌لرده بو مین ایللیکده هئچ زامان سؤزجوکلرین بیر چوخونو نئجه یازاجاقلاریندا قطعی قرارا چاتا بیلمه‌ییبلر. هله چوخو دا بو دیلین مکتوب بیر دیل اولدوغونو ایسته‌مه‌ییبلر. حیات ایکی دوزئی‌ده گئدیر بیزیم ایچیمیزده. اوخشامالار جان یاندیریجی‌دیر. هانسی عصیرلردن یادیگار قالان آغیت هاوالارینی یالنیز اؤلوم اوزه چیخاریر. رسمی دیل بیر قیراغا قویولور، شریعت بیله گله‌نکلری اونایلاییب، امضالاماق زوروندا قالیر، نامحرملر ده سسی ائشیدیرلر ائشیت‌سینلر: ننه ننه اوی ننه... ننم باجیم اوی...

هله پیئر بوردیو بورادا اولسایدی حتمن آروادلارین کیشی‌لرله یاناشی گلمه‌سینه دیققت ائده‌جه‌یدی؛ فمنیسم حرکاتلاری مزارلیقلاردا دا اوزونو گؤستریر، داها قادینلار دوشمه‌ییرلر ارککلرین دالیسینجا، اونلارین یانیندا اوزون بیر ایکی اوچ قات شریط کیمی اوزانیرلار تابیتین یانیندان حیاتا کیمی.

خانیم دئییر یادیندا ننه‌نین ساچلارینی اوخشادین جان وئرندن سونرا، من ده آنامین ساچلارینی اوخشادیم...

ساچلار گؤمولور، گؤمولمه‌ییر قالیر اوخشایانین اللرینده، بئینینده، حیاتین بو تاییندا... بئش کیتابلیق فیکیرلشیرم خسته خانادان مزارلیغا، و یورولورام بئش عؤمورلوک، یاساق بیر آد آهیمی دولدورور... آچیب قوتادغو بیلیگه باخیرام: آی تولدونون ساراییندا اولکر اولدوزو پارلاییر، آی گونشین یولونو گؤزله‌ییر، یورغونام آی تولدو!... یولداشلار هر طرفدن باش ساغلیغی وئریرلر... آی تولدو  گولومسه‌ییر: هامیسی ساغ اولسونلار.

---

آی تولدو: آی دولدو، دولون آی، قوتادغو بیلیکده گئدن اساس شخصیت‌لرین بیریسینین آدی. بو شخصیتی چوخ سئوه‌رم ... امیر علیشیر... هرات...

شامان زلزله‌نی روایت ائده بیلمه‌ییر

 

سون یوز ایللیک‌لرده ساوه منطقه‌سینده باش وئرن طبیعی اولایلاری همیشه اوزانلار آنلادیبلار. بؤیوک قحط‌لیک گتیرن قیشین ماجرالارینا تیلیم خانین شعرلرینده راست گلمک اولار  و او بؤلگه‌‌ده گلن داغیدیجی ودیده‌رگین سالان سئلین اولایینی عاشیق رضعلی

"نه" باغلاییجی‌سی حاقدا بیر کیچیک آچیقلاما

ائشیتدیم دوستلارین بیریسی‌نین فیس بوک صحیفه‌سینده "نه معراج، نه عارفانه بیر یوکسه‌لیش‌" جومله‌لریله باشلانان شعریمه "نه" باغلایینجی‌سینی قوللاندیغیما گؤره بیر سیرا تنقیدلر اولوب. دوغروسو "نه" باغلاییجیسی‌نین بو ایشله‌وی (کارکردی)

یئنی تابوتلار

آدام بو یئنی تابوتلارا باخاندا بوغولور. کندیمیزین چوروموش تاختالی تابوتونو ترجیح ائدیرم. آنجاق بیلمیرم او هله دورورمو یوخسا یئرینه آلومنیوم بیر شئی آلیب قویوبلار.

سون دؤنه او تاختالی تابوتلاردان بیریسینی مره‌غئی کندینده گؤردوم. ایچینده یاتیب شکیل چکدیردیم.

ی س: شکیل بورج اولسون!

شعر 12

و دوشونورم

یارانان هر دوشونجه

یئنی بیر پنجره‌دیر

 یئنی بیر  بارماقلیق

بیلگی قورامی رابعه‌دن سعیده کیمی

سئوگی‌ده بیر ناماز وار

دستمازی آنجاق

گؤز یاشلاریلا دوغرولار

حسین منزوی

یانی سعیدین یئنی یازیسینی گؤرندن سونرا، منزوی‌نین شعری باشقا جور آنلاملاندی بئینیمده. منزوی حلاجی رابعه عدویه‌یه ساجاقلاییر. حلاج دئمیشدی

هاوادا دولانان قورام‌لار و قورامسیز بیلگی‌لر

هردن بیر سیرا کیتاب اوخویان گنج‌لره راستلاشیرام. هر ساحه‌ده اولور اولسون چوخ فرق ائتمیر، اینسانی اینجیده‌ن بیر شئی‌ وار: تئوریک کیتابلار آردیجیل اولاراق چئوریلیر،