دیرناق آراسی یازیلار

بو گون بیلدیم ادونیس-ین هئچ بیر رسمی سیته‌سی یوخدور. بیر آز اوتاندیم. بلکه ادونیس ده گنج یاشلاریندان  اینترنیتله اوغراشسایدی - البت او زامان یوخ ایدی - هئچ ادونیس اولمازدی.بیزده ده سلیمان اوغلو اینترنیته یاناشماز.

بو نئچه گونو فیس بوکدان آیریلدیقدان سونرا بیر آز ایشلریمه - ان آزی اوخویاجاقلاریما- دوزن وئرمیشم. فیس بوکدان غفیلدن چیخدیغیما گؤره بوتون دوستلاردان عوذور دیله‌ییرم. بیلیرم اونلار منی دوشونرلر.

فارابی‌نین السیاست المدنیه‌سینی یئنی‌دن گؤزدن کئچیریرم. یوسف کرمین کانت بؤلومونو و همیشه کی کیمی قوتادغو بیلیک و اونا گؤره یازیلان مقاله‌لر. 

و تام یورولاندان سونرا یئنه ده اینترنیته گلیرم! ادونیسدن شعر آختاریرام و گؤروروم: ادونیسین هئچ بیر رسمی  سیته‌سی یوخدور. و البته یئنه فیکیرلشیرم بیزده سیته یازیلسا یاخشی‌می یوخسا سایت؟