دیرناق آراسی یازیلار

سنی ده اوتوزسام
فیت چالا چالا بوتون شهرلری گؤرمزدن گئچه بیلرم
انتحار سو ایچیم اولار
خاطیره‌لر زیبیل قابینا تؤکولر
هئچ قومار منی ایلگی‌لندیرمز 
هئچ ساچین بویاسی اسدیرمز اوره‌ییمی

سنی ده اوتوزسام
وارلیغی ترسینه اوخویا بیلیرم
اللریم اوسته یول گئده بیلیرم
مکتوب قوتوسونو آچمام
بیر شئی پایلاشمام
گؤزلریم باخار اما گؤرمز
قلبیم ایشلر اما دؤیمز
قوشلارین ماوی‌داکی اوچوشو تلوزیون برفک‌لری کیمی بیر شئی اولار 
بولودلار یئره جالانان سویوق رنگلره بنزه‌ر

سنی ده اوتوزسام
دونیانین ان بؤیوک فلسفه‌سینه چاتارام
وارلیقدا یوخ یاشاماق
تانری کیمی
هئچ شئییه باش قوشماز
هئچ شئیی آلدیرماز
داش کیمی 
نایلون کیمی
سنی ده اوتوزسام...