دیرناق آراسی یازیلار

بیر ده بیزه دیلده سلوک ائتمه‌یین مئتودونو اؤیرتمه‌دیلر. بو سلوک آرتیق درسلیک کیتابلاردا اؤیره‌نیلمه‌لی. سؤزجوکلری اویون خمیری کیمی اله آلیب چئشیتلی شکیل‌جیکلر دوزلتمک، یئنی ترکیب‌لره اوغراماق، اونلاری آتیب توتماق، بیر آلما کیمی سؤزجوکلره باخیب گؤزللیکلرینه دالماق. دیلین بوجاقلاریندا گئدیب گزیب دولاشیب ایتمک. هیجالارین، سسلرین گؤزللی‌یینه، کؤتولویونه فیکیرلشمک، هیجالاری نوتا آلماق...