سعاد الصباح‌دان آلتی شعر
1
منی ساغدان سولا اوخوما
عرب خطی کیمی
منی سولدان ساغا اوخوما
لاتین خطی کیمی
منی باشدان، آیاغا اوخوما
چین خطی کیمی
منی ساده اوخو
گونش، یارپاقلاری
قوش
چیچه‌یی اوخویان کیمی
2
شایعه‌لر منی اینجیتمیر
بیزه - منه و سنه - اویدوردوقلاری شایعه‌لر
بلکه لاپ آچیرام ائویمین پنجره‌لرینی
اؤز اووجوملا دن سپیره‌م اونلارا
و بیراخیرام اویناسینلار پالتار کومودومدا
آخی
بیزیم اؤلکه‌میزده گؤزل قوشلاردیلار
سئوگی شاییعه‌لری
و من
قوشلارین اؤلدورمه‌سینه قارشییام
3
سورگونلوک
وطنه چئوریلیر
قوللاری‌نین آراسیندا
4
بیلسئیدیم کیتاب‌لاری بو قدر سئویرسن
پالتارلاریمی
کیتاب ائولریندن آلاردیم
5
باغیریرام: سئویرم سنی
گؤیرچین‌لر کلیسا تاوانلارینی بوراخیب
یووا سالماغا گلیرلر
ساچلاریمدا
تاوان: سقف
6
منی سنله تانیرلار
سن منیم
اؤزل اودکولونومسان
سعاد الصباح کویت‌لی شاعیره
جئویرن: بیات
قلمینیز همیشه یازار اولسون.