کاش زیبا کلام به قشقایی‌ها توهین کرده بود!

 1

چند سال پیش هنرمند قشقایی خانم پروین بهمنی در یک همایش موسیقی در اردبیل شرکت کرده بود. انتظامات مراسم به ایشان تذکر داده بود که حجاب خود را رعایت کند. ایشان ترتیب اثر نداده بود و گفته بود این نوع پوشش، پوشش سنتی ما قشقاییهاست و ربطی به

یئنی نسیللر یئنی سورغولار

بو گون بیر اوشاق سوردو: ایران تورکلری ایچینده شهید مطهرینین اؤز ساحه‌سینده قویدوغو امک قدر، تورک کولتورونه زحمت چکن اولوب؟

بیر آز دوروخسوندوم بو سورویا. سونرا دئدیم بلکه زهتابی ایله فرزانه‌نی اؤرنک وئرمک اولا

آجی‌دیرمی؟

بو گونلر سایخاشلاریمدا ایتدیگیمیزی دوشونورم. تورک دیلی وار، آذربایجان وار اما بیز یوخوق. بیزیم نسیل، آذربایجان دئییب قارانلیق کوچه‌لری گزیب دارتیشان، سویوق ‍پارکلارین تانیشی و هیجانلا سیگارالاری آرد آردا آلیشدیران.

اوچ نوکته بیر سونوج

۱

بیر طلبه دئییردی: بعضی میللتچیلر منه دئییرلر نییه ناماز تورکجه قیلینماییر؟

او طلبه دئییردی کی ماراقلیدیر بو مسئله‌نی اورتایا قویانلار اؤزلرینه سورمورلار چونکی بونلار ناماز قیلمازلار بلکه ده دئییرلر سیز نییه نامازینیزی تورک دیلینده قیلمیرسینیز؟

ایکی شاه اثر آراسی دوشونجه‌لر

هئچ بیر مئیدان اؤلو گؤردونوزمو؟ اؤلو بلکه داها یاخشی اولا، بیر مئیدان یاری جانلی، بیر مئیدان یاریسی اؤلموش یاریسی اؤله‌جک، بعضیلری دیریلیب چیخیب اؤلولری آتلایا آتلایا قاچاجاق گئجه قارانلیغیندا...

مهرین بیرینجی گونونده

مهرین بیرینجی گونو ارسلانین صینیفداشلاری کیلاسدا اونا لهجه‌سینه گؤره ایراد توتوبلار. ارسلان ایسه اونلارا بئله جاواب دئییب: یوخ سیز یانیلیرسیز بو ایراد دئییل. من ایکی دیل بیلیرم سیز بیر دیل. من ایکی خطده اوخویا بیلیرم سیز بیر خطده. بو اصلینده منیم اوستونلویومو گؤستریر سیز گرک اونو وورغولایاسیز. 

سونرا بو ایکی خط مسئله‌سی اوشاقلاری ماراقلاندیریب و کیلاسدا لاتین حرفلری اوزرینده بحث گئدیب و ارسلان اؤزلجه انگلیسجه ایله تانیش اولان اوشاقلارا تورک -لاتین حرفلریله انگلیس- لاتین حرفلرین فرقلرینی آچیقلاییب.

بیر سورو

شعر کیتابی آدی اوچون "دؤردونجو تکیل شخص ضمیری" نئجه‌دیر؟

فارسجاسی اولور: ضمیر چهارم شخص مفرد

دوستلار نظرلرینی عمومی یا خصوصی هر نئجه  یازسالار ممنون اولارام.

چییینلر

بعضی چییینلری، سون باشینی دایایاجاق دیوار کیمی گؤرر اینسان. هر دؤنه دایاغا احتیاجی اولدوقدا باشینی دایاماز. او سون آن گلدیکده، اینسان باشینی گتیرر، فقط او چیین‌ اما باشی آلماز. باش، بوش حجمه یاخالانیب دوشر.

ایندی بئله بیر سوال وئرمک اولار: اینسانین ایللر بویو او چیینه گووندیی دوغرو بیر توتوم ایمیش؟ چون کی او گوونج، اینسانین زامان بویونجا آیاق اوسته قالا بیلدیینی ساغلاییبدیر. ایندی اونو یئره ییخسا دا.

تکی اینسان او چییینه بیر آددیم قالان اؤزو ییخیلسا، آتالارین اوشاقلاریلا گولشدیکده ییخیلدیقلاری کیمی. یانی گووه‌نج‌لر‌ ده چوخلو زامان بیر اوشاق، بلکه بیر آددیم داها ایره‌لی، بیر قولچاق‌دیرلار. بیر قیزین گئجه‌لر قوجاغینا آلیب یاتدیغی قولچاق کیمی. آنجاق او قولچاق نه قدر باش قاتیجی، غیر جیددی سانیلسا دا، دونیانین ان جیددی وارلیقلاریندان بیریسی‌دیر. ساده‌جه آغلایاندا اونو باغرینا باسسان دا، اوندان الینه دسمال آلیب گؤزلرینی سیله‌جه‌یینی اوممایاجاقسان. بئله بیر توهمه قاپیلدینسا اویونون قوراللارینی سن پوزوبسان و سوچو اؤز یانیندا آختارمالیسان.

او سون آن باشینی دایایاجاغین چیینین ده ماجراسی بئله‌دیر. باشینی هئچ زامان اونا دایاما، آنجاق اونو دانسان قولچاقسیز بیر قیز اوشاغی قدر اومودسوز و یالنیز قالا بیلرسن.

راوی دئییر: آنجاق بعضن او سون آنین گلمه‌سی قاچیلمازدیر...

اونلار سؤزلرینی یالنیز داغا دئیه بیلرلر

 

قاپالی توپلوملار تک سسلی اولور. عاشیقلر کیمی. اونلار هر یئرده اؤز سسلرینی آختارارلار. باشقا سس ائشیدنده داشا باسماسالار، دیک باخیب باشلارینی آشاغی سالیب یوللارینی داوام ائدرلر.

مجنونون آتاسی اونو کعبه‌یه آپاردی. کعبه یولوندا مجنون داغی گؤردو. بیر شعر اوخودو داغا، داغدا

دوه قوشو کلمه‌سی حاقدا

بیرینجی دؤنه دوه قوشو کلمه‌سینی ائشیدنده بونون فارسجادان (شتر مرغدان) گرته اولاراق ترجمه اولدوغونو سانمیشدیم. آنجاق عربجه‌ کیلاسیک قایناقلارینین بیرینده بئله بیر مطلب گؤردوم.

و هو طائر معروف، مرکّب من صورتی جمل و طائر، و لذلک تسمیه الترک: دواقش