اوچ نوکته بیر سونوج
۱
بیر طلبه دئییردی: بعضی میللتچیلر منه دئییرلر نییه ناماز تورکجه قیلینماییر؟
او طلبه دئییردی کی ماراقلیدیر بو مسئله‌نی اورتایا قویانلار اؤزلرینه سورمورلار چونکی بونلار ناماز قیلمازلار بلکه ده دئییرلر سیز نییه نامازینیزی تورک دیلینده قیلمیرسینیز؟
۲
بو آخشام محله باققالیندا محله‌میزین سلمانیسینی گؤردوم. دئدی نئچه گون اؤنجه سنین سؤزون ایدی.
- - هاردا و نئجه بیر سؤز؟
- - هه گئتمیشدیم کنده. اوردادا اوشاقلاری فارسی دانیشدیریرلار ناراحات اولدوم سندن سؤز دوشدو.
- - اونلار نییه فارسی دانیشدیرماسینلار کی؟ فرقی سیزینله نه‌دیر. سیز نییه اؤزوز بوردا فارسجا دانیشدیریرسیز؟
- - آخی بورادا اوشاق مدرسه‌یه گئدیر
- - خوب اوردادا مدرسه وار دا
- - یوخ فرق ائدیر بئله گئتسه اوتوز ایله بو دیل آرادان گئدر.
۳
هله سیزجه بو آذریچیلرر و دانشگاهدا تبریز لهجه‌سی تدریس اولسون دئیه‌نلر، اؤزلری ده او لهجه‌ده اوخویوب، دانیشماق ایستیرلر یوخسا دوشونورلر ایندیکی بیز ایستیریک دانیشاق، اوخویاق، یازاق؛ بنابر احتیاط واجب، احوط بودور کی تبریز لهجه‌سییله بو ایشی گؤرک. اونلار ایسه اؤزلری فارسجا دانیشیب اوخویوب یازسینلار؟
