یئنی نسیللر یئنی سورغولار
بو گون بیر اوشاق سوردو: ایران تورکلری ایچینده شهید مطهرینین اؤز ساحه‌سینده قویدوغو امک قدر، تورک کولتورونه زحمت چکن اولوب؟
بیر آز دوروخسوندوم بو سورویا. سونرا دئدیم بلکه زهتابی ایله فرزانه‌نی اؤرنک وئرمک اولا. اما بیلیرسن ده شهید مطهری هم حوزه، هم ده پهلوی رژیمی طرفیندن دستکلنردی.
- نئجه؟
- چون او زامان شوروی کمونیسمی ایراندا یایماق ایستیردی. شاه ایسه غرب بلوکونا باغلییدی. ترومنین ۴-نجو اصلیندن باشقا، بونلار ایسلامچی دوشونجه‌نین ده بللی بیر اؤلچوده یاییلماسینی کمونیسم قاباغیندا فایدالی بیلیردیلر. حتی بیر معروف عالیمین فیلسوف نماها آدلی کیتابی او زامان اؤدول آلدی. حسینیه ارشادین آچیلیشی و فعالیتی او دوشونجه ایله باغلییدی و ...
*
بلکه بیزدن ده بئله حیمایتلر اولسایدی ایندی الیمیز بو سؤالین قاباغیندا بئله‌جه باغلی اولمازدی.
نه ایسه یئنی نسیللر یئنی سورغولارییلا بیزی هدف آلاجاقلار. جاوابیمیز نه اولاجاق اونلارا؟
قاباقکیلار کیمی دواملی بلاگ پستی یازماغینیزدان چوخ چوخ سئویندیم.
یازیلارینیز دوشوندورور اینسانی. سانکی بئیین‌ده اولان بیر بوشلوغو دولدورور.
یاشایین.