دیرناق آراسی یازیلار

هوشنگ جعفری‌نین اؤزو و شعرلری بیر زنگانلی اولاراق یئنی یئتمه چاغلاریمدا منیم حیاتیمدا (کیملیک و دیل باخیمیندان) بؤیوک ائتگی بوراخیب. جعفری به‌یین شعرلری ایله اون بئش - اون آلتی یاشیمدان تانیش اولدوم. فامیللریمیزین بیریسی ایله دوست‌ایدی، اونون واسیطه‌سییله گؤروشدوک او ایللر.

بو گون بیر شعر دفتری چاتدی الیمه، واراقلایارکن هوشنگ به‌یی و او ایللری آنیمسادیم. 

اوستاد جعفری‌یه هر یئرده اولسالار اوزون عؤمور و موتلو حیات آرزیلاییرام.