دیواندا گلن کؤمه‌ج سؤزجویو اوزرینده بیر نوت
Tuesday, 7 January 2014، 06:10 PM
کؤمه‌ج سؤزجویونو دیوان لغات الترکده کاشغارلی القرص دئیه معنا ائدیبدیر. سونراسی آچیقلاییر: بو کلمه کؤمدی فعلیندن آلینیب‌دیر. چؤره‌یی [ایستی]کوله قویلایاندا کؤمدی دئیرلر، بو سؤزجوک او سؤزدن آلینیب‌دیر. (دیوان، عربجه متن،معلم رفعتین تصحیحی، ج 1 ص12)
بسیم آتالای، دوکتور صدیق، قوزئی‌ده یاییملانان دیوان ترجمه‌سی، هامیسی القرص کلمه‌سینی چؤرک دئیه چئویریبلر. اساسن دیوانین آسیا و اورتا آسیا ترجومه‌لری‌نین بیر چوخو بسیم آتالایین ترجومه‌سینین ائتگی‌سیندن اوزاقلاشا بیلمه‌ییبلر.
بو آرادا دبیر سیاقی بوتون سورونلارینا رغمن بسیم آتالایی قایناق توتماییبدیر .
دبیر سیاقی القرص-ی " گرده نان" چئویریب‌دیر.
منجه دبیرسیاقی‌نین ترجمه‌سی هامیسیندان داها دوزگوندور. القرص عرب دیلینده یوواریق (گرد و دایره) اولان نسنه‌لره دئییلیر. عرب قدیم سؤزلوکچولر (خلیل بن احمد و جوهری) کلمه‌نین آنلامینی وئرمک یئرینه چؤرک کیمی بیر شئی‌لر دئیه یازیبلار سؤزجویون قاباغیندا. اونلارین مخاطب‌لری آنجاق بو چئشیت آچیقلاماقلارلا تانیش ایمیش.
فرهنگ ابحدی ده یازیر: «القرص: یک قرص نان گرد. قرص الشمس: قرص خورشید»
باشقا یاندان بیزده امم کؤمه‌جی یا امن کؤمه‌جی (بعضی لهجه‌لرده کؤمه‌نجی) دئییلن بیتگی‌نین دویمه‌یه بنزر یوواریق دنه‌لری اولار اوزرینده. ایلانین دا دولانیب حلقه وورماغینا کؤمه‌جک دئیه‌ریک.
او اوزدن ده کؤمه‌ج سؤزجویو دیواندا چؤرک آنلامیندا دئییل یوواریق چؤرک آنلامیندا گلیب‌دیر. و اولا بیلر ده کاشغارلی‌نین اتیمولوژی‌سی (گؤممک ایله کؤمجین ایلگیسی)دوغرو اولمایا.
منجه قورص، حب کیمی شئی‌لرین یئرینه کؤمج کلمه‌سینی قوللانماق یئرسیز اولماز.
بو آرادا دبیر سیاقی بوتون سورونلارینا رغمن بسیم آتالایی قایناق توتماییبدیر .
دبیر سیاقی القرص-ی " گرده نان" چئویریب‌دیر.
منجه دبیرسیاقی‌نین ترجمه‌سی هامیسیندان داها دوزگوندور. القرص عرب دیلینده یوواریق (گرد و دایره) اولان نسنه‌لره دئییلیر. عرب قدیم سؤزلوکچولر (خلیل بن احمد و جوهری) کلمه‌نین آنلامینی وئرمک یئرینه چؤرک کیمی بیر شئی‌لر دئیه یازیبلار سؤزجویون قاباغیندا. اونلارین مخاطب‌لری آنجاق بو چئشیت آچیقلاماقلارلا تانیش ایمیش.
فرهنگ ابحدی ده یازیر: «القرص: یک قرص نان گرد. قرص الشمس: قرص خورشید»
باشقا یاندان بیزده امم کؤمه‌جی یا امن کؤمه‌جی (بعضی لهجه‌لرده کؤمه‌نجی) دئییلن بیتگی‌نین دویمه‌یه بنزر یوواریق دنه‌لری اولار اوزرینده. ایلانین دا دولانیب حلقه وورماغینا کؤمه‌جک دئیه‌ریک.
او اوزدن ده کؤمه‌ج سؤزجویو دیواندا چؤرک آنلامیندا دئییل یوواریق چؤرک آنلامیندا گلیب‌دیر. و اولا بیلر ده کاشغارلی‌نین اتیمولوژی‌سی (گؤممک ایله کؤمجین ایلگیسی)دوغرو اولمایا.
منجه قورص، حب کیمی شئی‌لرین یئرینه کؤمج کلمه‌سینی قوللانماق یئرسیز اولماز.
سلام
چؤرک یاپاندا تندیره دوشوب یومرو بیر حالتده پیشن خمیره کولا دییه رلر. kola. بیر اینام دا وار بو کی : کولانی یئییب ائشیگه چیخن حتمن بیر زاد تاپار.