فضولی حمام غزلینی قوشارکن لطفی هرویدن می الهام آلمیش؟
Monday, 6 January 2014، 09:06 AM
فضولی گئجه‌لرینده نئچه جلسه فضولی شعری ایله تورکیستان - چاغاتای ادبیاتی‌نین سیخ ایلگیسیندن سؤز آچدیم. آنجاق او زامان نوایی و قوتادغو بیلیکدن باشقا، آیری قایناقلار الیمده یوخودو. فضولی‌نین معروف حمام غزلینی عرب شاعریابونواسین ائتگی‌سینده یازیلدیغینی ظن ائدیردیم. نجاق ابونواس ایله فضولی‌نین شعرینده اینجه فرقلر وار، بو فرقلرین ایندی آچیقلانماسینی ایسته‌میرم. نسه، ایندی فیس بوکا قاییتماغین لوطفوندن!اؤزبک آراشدیرماجی دوستوم کاظم بی امینی‌نین اؤزبک غزلچی‌لری حاقدا بیر یازیسینی گؤردوم. امینی جنابلاری بو یازیدا لطفی هرویدن بیر غزل گتیرمیشدی، بو غزل تام فضولی‌نین غزلینی خاطیرلادیردی. بارماقلاریمی دیشله‌دیم: ای دل غافل! بس مولانا فضولی بو غزلی مولا لطفی هروی‌نین آردینجا سؤیله‌ییب...
ایکی غزل یاخشی توتوشدورولورسا آرالاریندا اولان بنزرلیکلر دانیلمازدیر منجه.
لطفی کیمدیر؟
لطفی حاقدا بو قدر دئمک اولار: نوایی سلطان حسین بایقرادان سؤز آچارکن اونون شعرینی لطفی هروی ایله توتوشدوروب و دولتشاه سمرقندی ایسه اؤز تذکره‌سینده نوائی‌نین شعرینی لطفی و کردری ایله مقایسه ائدیبدیر.
و مولانا لطفی‌نین حمام شعری
حمــامغـه عـزم ایله گــچ اول شـوخ ستمــگر
حمام یوزی ، عــکسی بیلــه بــــولــدی منـور
گل تیک تنیدین چونکه عرق بــولــدی روانه
حـمام گــلاب ایسی بیله بـــولـــدی معــــــطر
ســوو غیر تیــدین کیـــم تنیغه تیکدی دما دم
جانیم باری سوو بــولدی وحـــالیم داغــی ابتر
ای کاشکی مین بولغای ایـــدیم آلیـده خــادم
تــا وصل تونی بـــولغای ایــــدی بیزگــا میسر
کوثر سویی، جنت گلی آلتون تـــراغ آلغــــاچ
حور لار کیلور ایر دیلار انگــا بــولغالی چـــاکر
سوو قویغالی انده یره مس سیز انــگا رضـــوان
بارمانگ اویالورسیز، سیزه انده نــی محـل بـر؟
بو لطفی نینگ آهی اوتی ، کـوزی یاشیدین دور
حمام نینگ اوت وسویی توشماس انگه بــــاور
ی س: 1.اؤزبک اوشاقلار سؤز وئرمیشدیلر لطفی هروی‌نین دیوانینین پی دی اف فایلینی گؤندره‌لر، سونرا فیسدن چیخدیم ایلگیمیز کسیلدی، بو وسیله ایله اونلارا خاطیرلادیرام...
2. لطفی‌نین دیوانی تورکیه‌ده یاییملانیب بیر جومرد اوغلان تاپیلیب اونو بیزه یئتیرسه...
3. و کاظم امینی‌نین یازیسی: https://www.facebook.com/kazim.amini/posts/266954156789501
