دیرناق آراسی یازیلار

بو گون اوچ فرقلی فضادا یاشادیم. بیریسی ایللر بوندان اؤنجه برلین‌ده ادونیس، محمود درویش،‌ حامد ابوزید،‌ عباس بیضون و ... آراسیندا گئدن بیر دارتیشمایا بنزه‌ر دانیشیغی اوخودوم. منجه ادونیس گیل نه قدر غول اولسالار دا محمود درویش همیشه فرقلی‌دیر، اورادا گئدن دانیشیقلار اؤزلجه اسرائیل سکولارلاری‌نین نهایت دینه دایانماقدان قاچا بیلمه‌دیکلری اولدوقجا ایلگیمی چکدی. 

ایکینجی فضا کیت نه‌ش-ین فوکونون گوج و بیلیم تئوری‌سیندان وئردیگی اوخونوش یا تحلیل ایدی. هردن فیکیرلشیرم بیز نه قدر فوکو کیمی فیکیرلشیریک چوخ ساحه‌لرده...

و اوچونجو فضا محسن نامجونون آلمان سسیله سؤیله‌شیسیدی. فایلین هامیسینا قولاق آسا بیلمه‌دیم، اما نامجونون وورغولادیغی قونولار اؤزلجه اؤزوموزه گوله بیلمک باشاریسی و  ایران باستانا ائتدی‌یی اشاره‌لر هئچ ده واز کئچیلمز قونولار دئییلدی. نامجونو چوخلو زامان حاج قوربان سلیمانی‌نی خاطیرلاتدیغی اوچون سئوسم و بعضی فضالاریندان اینجیسم ده، اونون ایش‌لری‌نین آرخاسیندا فرقلی بیر دوشونجه دایانیب.