غدیر گؤروشلری
Thursday, 24 October 2013، 06:41 PM
بو گون بیزیم ائوده ایلین ان قوناقلی گونو اولار. آیلار و هردن ایللر بویو گؤرمه‌دی‌ییم دوستلار بیره‌ر بیره‌ر قاپینی چالارلار.
بو آرادا اینسانلارین فضالاری‌نین ده‌ییشمه‌سینه و بعضن ایللر بویو بیر فضادا قالدیقلارینا دا دیققت ائده‌رم.
بو گون فضاسی ده‌ییشمه‌ین دوستلاردان بیریسی بیر شئی نقل ائله‌دی. دئییر فیلانکسین آناسی منیم گؤبک ننه‌م ایدی. یاسینی دا منه او اؤیرتدی. دئیردی فیلانی من اؤلندن سونرا منه همیشه "دارتیلی یاسین" اوخویارسان.
بونلاری دئینده اؤز داورانیشی ایله او فضانین (کند فضاسی‌نی) غیر مشروع و غیر رسمی فضا اولدوغونو وورغولاییردی. سونرا دا دئییردی منه اصیل تورکی اؤیرت.
اصیل تورکجه اونون ایچینده‌ایدی، اما او اصالتین مشروعیتینی اونون گؤزوندن سالمیشدیلار.
گؤبک ننه‌سی: ماما
دارتیلی : عمللی باشلی، اوصوللو، دوغرو دوزگون.
داورانیش: رفتار
سالام و سایقیلار چوخ ده‌یر وئردیییم قلم اوستاسی، سایین حیدر بیات. سیزین گؤزل دوشونجه‌لرینیزی، اینجه‌لیک دولو یازیلار و شعرلرینیزی اوخوماقدان همیشه دولو- دولو لذت آلمیشام.
اسنلیکلر دیله‌رم.