دیرناق آراسی یازیلار

دوشونوردوم بیز یالنیز کئچمیش نسیله آرخالانمیریق. دونیادا گرچکلشن بیر چوخ سیاسال، یازینسال و دوشونسل اولایلارین دالغالاری جانسیز دا اولسا بیزی ائتگیله‌ییب. او اوزدن بیزدن قاباقکی نسیللرین بیر چوخو ایله ایلگی قورا بیلمیریک. بیزه اسن یئللر اونلارا توخونوب تیترتمه‌ییب گؤوده‌لرینی. بوردان یولا چیخاراق، بیزدن سونرا گلن نسیللری دوشوننده اوشوتمه توتار کیمی اولدوم. اونلار دا بیزه، اوزاق آدالاردا یاشایان، گئت گلده اولان گمیلرین ووجودوندان بیله خبرسیز قالان اینسانلار دئیه بارماق توشلاییب باشلارینی ترپده‌جکلرمی؟

گرچکدن ده دونیادا اولان گئدیشلرین یئیینلی‌یی بیر آتانی  اوشاغینین گؤزونده آتا دئییل دؤرد بئشینجی بابانین یئرینده بیله اوتوردا بیلر.
 بیلمیرم بو بیزده بئله‌می یوخسا بوتون دونیادا بئله اولور؟