یئنه ده آنا دیلی
قاجار زامانی تورک دیلینه گؤره چوخلو اؤیرنجی کیتابلاری (آموزشی کیتابلار) یازیلیب‌دیر. بونلاری ایندی بازاردا گئنیشجه یاییملانمیش خودآموز کیتابلاری ایله قییاسلاماق اولار.
یوز صحیفه‌یه یاخین بو کیتابلار، نئچه قیراماتیک نؤکته، آتالار سؤزو و آنا کلمه‌لری آچیقلاییبلار. بعضیلری ایسه نصاب الصبیان شکیلینده و موزون اولاراق قلمه آلینیبدیر. بو کیتابلارین آماجی تورکجه‌نی فارسلارا اؤیرتمک ایمیش. او زامانلار ایرانین بیر چوخلو شهرلرینده یاشاماغا و حتی دربارا و اونا عایید قوروملارا یاخینلاشماغا تورک دیلی گرکلی ساییلیرمیش.
*
و آلتمیش نئچه ایل قاجاردان سونرا، اوتوز ایکی ایل قاباق منیم آتام تورک دیللی کندیمیزده اوتوروب او کیتابلارین شیوه‌سی ایله منی فارسجا ایله تانیش ائتمک ایسته ییردی، اوخولا گئتسم اورادا آز چتینلیک چکیم دئیه.
آلتمیش ایل عرضینده مودئرن اؤیرتیم سیستمیندن دیلیمیزی داشلاماقلا کؤهنه کنده یئنی رسم (سنت، گله‌نک) گلمیشدی.
