و ایشیقدا گئدیلمیش یوللاری قارانلیقدا گئدک؟
Tuesday, 22 October 2013، 08:58 AM
بو گون یئنی‌دن رشید رحمتی آراتین قوتادغو بیلیگ-ـه یازدیغی اؤنسوزو اوخوردوم. بونو اوخویارکن بو سؤال گلدی قارشیما و دوغروسو یامان دا اینجیدیب قورخوتدو بیله‌می. سؤال: اولمویا بیز تورکولوژی ساحه‌سینده گئدن سون گلیشمه‌لریندن چوخ چوخ خبرسیز قالاق، و ایشیقدا گئدیلمیش یوللاری قارانلیقدا گئدک؟
بیزه کیتابلار و درگیلر اولدوقجا آز گلیر، سیته‌لریمیزده، فیس بوک صحیفه‌لریمیزده ده اصلا بو قونولارا توخونولمور. بو اوچوروملاری قالدیرماغا بیر یول بیلن وار می؟
دوغرودور بیر سیرا تورکیه سیته‌لرینده ماتریاللارا ال تاپماق اولار، اما بئله شئیلرین اورتامی بیزده یارانماسا، هر شئی شخصی بیر چابا کیمی آز تاثیرلی اولارکن، لزومسوز یئره چوخ دا واخت آلاجاقدیر.
قایناق: فیس بوک استاتوسلاریمدان
دوغروسو بودور کی یازدیغیزی اوخودوم آما هامیسین باشا دوشمدیم، ایله بیل کی تورکی دیلینین غربتیندن گلایه ایله میشدیز و بو کی بیز تورکلر، ئوز دیلیمیزین باشینین اوجالیقینا چالیشمیریق. من بیله فکر ایدیرم کی بیز گرک گوزلمیاخ کی صدا و سیما یا آیری یرلر کی اللرینده ایش و رسانه وار بیزیم دیلیمیزه خدمت ایلیه لر. اوللار اگر خیانتلرین قورتاریب و بیزیم آنا دیلیمیزی بوشلیالار، بو ئوزی بویوک خیدمتدی!!! آما بیر جمله ده سیزین کیمی عزیز یازینچی لاردان ایستمه لیم وار، اودا بودور کی؛ بیر آز دانیشدیغیمیز دیلده یازین، سیز چوخ اصیل و لغتی یازبرسیز ایله کی چوخلاریمیز باشا دوشموروک نه ایستیرسیز دیه سیز. منیم جسارتیمی باغیشلین. چوخ گوگلوم ایستیر بیرگون سیزی آغبلاقدا گورم.