ائوئت‌دن ائوئته قدر
دیوان لغات الترک ایله یئنیجه تانیش اولدوغوم زامان چوخلو کلمه‌لرین اوزرینده دوراقساییب، شاشاردیم. کئچه بیلمزدیم، دؤنوب یئنیدن اوخویاردیم. بیر دوستا دئیه‌ردیم، بیر تانیشا زنگ آچیب دانیشاردیم. کلمه‌لری تامسیناردیم. بعضی سؤزجوکلر ایسه بیر سیرا ماجرالار یاشاداردی، او اوزدن خاطیره‌لریمین ایچینده یئر آلیب قالیبلار اونلار. بو سؤزجوکلردن بیریسی ائوئت سؤزجویو ایدی. دوکتور صدیق ترجمه‌سینده بو مدخلی قلمدن سالمیشدی. عربجه متن ایله توتوشدوراندا اونو یئنیدن یازدیم. دوکتور زنگ آچدی: آقای بیات بو کلمه عربجه نوسخه‌نین هانسی صحیفه‌سینده‌دیر؟ باخیب صحیفه‌نی دوکتوره تلفوندا دئدیم.
*
او زامانلار بو کلمه‌لردن سینیرسیز ذوق آلاردیم. سونرا بونلار سیاسی گوندمده قونوملارینی ده ییشدیلر، بعضن عصبانیته بعضن حتی زهله‌سیزلییه کیمی گئتدیلر. بو سؤزجوکلردن بیریسی ده تورکیه نین بو گونکو سیاسی گوندمینده اولان "ائوئت" کلمه سیدیر. بیلمیرم بو سؤزجویون قونومو نه اولاجاق بئینیمده؟
