آللاه کندی نئجه اولار؟
زنگانلی‌دیر. دوستومون توکانیندا اوتورموشام، اونون توکان صاحیبی‌دیر. هر یئردن سؤز آچیر بو قوجا کیشی. دئیینگن ساییلماز آما داریخیر ائله بیل. آخشام باشیلار دوستومون توکانینا چوخ گلر، بو دؤنه اما چوخ دا دانیشیر. دئییر زنگان ایندی کار وئرمز، اوچ آی یایی یاخشی‌دیر فقط.
سوروشورام حاجی قوم نئجه؟ قومدان راضیسیز؟ دئییر: قوم آللاه کندی‌دیر.
- نئجه یانی؟
- باخ گٰؤر زنگاندا بیر دنه افغانلی وار؟ شهره گرک هامی گل – گئت ائله‌یه. دوست، دوشمان، غریبه، تانیش هامی اولا. کافیر، مسلمان هامی گلیب گئده بیله، قالا بیله. قزویندن اویانا فایداسی یوخ. بیر دنه عرب گؤر تاپیلار اولاردا. قوم دا هامی وار، قوم هر جهتدن یاخشی‌دیر.
دوشونورم بو قوجا کیشی‌ده بیر امپراطور روحیه‌سی وار. بو تلورانس، بو شهرین و شهرلی اولماغین ماهیتینه ذکالی باخیشی بونا کیم اٰؤیردیب، هانسی شخص، هانسی کولتور، هانسی یاشام تجروبه‌سی؟ بونون آنلاییشیندا آللاهین کندینده بیله، کافرلرین یاشام حاققی واردیر.
