بیز، میلچک و مئدیا
میلچک. اونو هامیمیز اوشاقلیق گونلریمیزدن تانیریق. آذربایجاندا اونا گؤره مختلف مثل‌لر و ناغیل‌لار وار. بیریسی او آتا قیزینی نصیحت ائتمه ناغیلی‌دیر. نصیحتین سونوندا قیز دئییر: آتا سن منه اؤیود وئره‌لی او میلچک اوچ یول آتین فیلان یئرینه قونوب اوچوب. بو مثلی میرکریمی گؤزلجه‌سینه "زیر نور ماه" فیلمیندهتصویره چکیب‌دیر. آری او طلبه‌نین حواسینی مچیدده نصیحت دینلرکن یاییندیران صحنه.
میلچک. اونو هامیمیز اوشاقلیق گونلریمیزدن تانیریق. حیاتیمیزدا میلچک‌لی خاطیره‌لر چوخ اولمالی‌دیر کسین. چوخ اولمالی؟ بیزیم خاطیره‌میزمی وار؟
زنگانلیلار دئمیشکن ایندی یئتیشیریک گاوازنگی‌نین دیب قولاغینا، یانی مطلبین کؤکونه!
تلسمه‌یین دئییرم. بو گون بیر میلچک اینجیتمه‌یه باشلادی. نئچه یول اوست – باشیما قوناندان سونرا زیللاها گتیردی. آرزی ائله‌‌دیم احمدی نژاددان، اوبامادان بیریسی بورادا اولوب بو میلچه‌یین آخیرینا اوتوراردی! حتمن ایکیسینین ده میلچک‌له ایلگی‌لی تصویرلرینی و میلچک قوومالارینی گؤروبسوز. ایندی دئیه‌جک‌سیز: منظور؟
باخین احمدی نژادلا اوبامانین اون ایل عؤمرلری وار بیزیم حافظه‌میزده. اوندان اؤنجه بونلاری تانیمیردیق. اما میلچه‌یی هر کس گؤزونو آچان گوندن تانیر. بس نییه میلچک‌له قارشیلاشان دا بو قدر خاطیره، یاشام هامیسی اونودولوب او ایکی‌سی گؤز اؤنونه گلیر؟ منظوروم دقیقن بودور: بیز نه قدر اؤزموزو، کئچمیشیمیزی یاشیریق اؤز ایچیمیزده؟ مئدیالار بیزه نه قدر اجازه وئریر؟ بئینیمیزین یوزده نئچه‌سی اؤز عائیله‌میزه، چئوره‌میزه، خاطیره‌لریمیزه عاییددیر و نئچه فایزی مئدیالارین الینه کئچیب‌دیر؟
ایندی سیز دئیین؟ بیزیم خاطیره‌میز وارمی؟
بیز ایسه بو مئداسیزلیغیمیزین قوربانی اولموشوق گئدیب ده‌ده‌میزین کؤهنه بورجونا.