دلی کور
دلی کورو نئچه گون قاباق قورتاردیم. اوخودوغوم ان گؤزل رومانلاردان بیریسییدی. رومانین سامباللی ریوایتی، محشر دیلی، ایچینده دالغالانان سیاسی شعور و تحلیل، انصاف، انسانیت ...
بو رومان باشقا دیلده یازیلسایدی، بو جور تانینمامیش قالاردی؟
نئچه گوندور نه قدر ده باشقا متنلر، باشقا قونولار اوخوسام، یئنه دؤنوب او رومانی دادیمیساییرام.
هر کس اوخوماسا الیندن گئدیب.
ی س:
1. دوست دئیر دئدیم، دوشمان دئیر دئیه‌جه‌یدیم (کندیمیزده بیر آنالار سؤزو)
مثلی آنامدان ائشیتدی‌ییم اوچون آنالار سؤزو یازدیم....
2. دوستلارین بیری دئدی باکییا گئدیرم ایشین یوخ؟ دئدیم: منیم یئریمه اسماعیل شیخلی‌یه بیر فاتیحه اوخو. سونرا باستانی پاریزی‌دن بیر شئی یادیما دوشدو. دئییر پاریسه گئدنده همشهری عالیملرین بیریسی دئدی فیلانی اورا گئتدین منیم یئریمه گئدیب ویکتور هوگویا بیر فاتحه اوخویارسان.
3. گوگلده گزدیم بو کیتابدان بیر یاخشی شکیل تاپا بیلمه‌دیم! شکیلین زحمتینی
Akbar Pashayi چکدی. بیر گؤزل اس م اس‌‌له یاناشی:
« دلی کور»ون جومله‌لری مله‌یین قونور گؤزلری کیمی قایناییر، قاش-گؤز آتیر، سؤزجوکلری ایسه قوزو قویروغو کیمی ییرغالانیر. دئییرم یئری گلنده سئودیینی "جاهاندار آغا" کیمی قولتوغونا ووروب ائوه گتیره‌سن. اوندا نه اولار؟ قیامت دوشر...
کئشکه هئچ بیتمزدی بو رومان!»
