اینسان قانی، جنت یولو
Thursday, 19 June 2014، 01:37 PM
عیرفاندا اینسان اولماق اوچون هر شئی سلوکدان کئچیر. اینسان اوزون ایللر بویو داورانیشینا، دانیشیغینا، یئریشییینه، یئدیینه، یاتدیغینا، باخدیغینا دیققت ائدرکن معنوی ذیروه‌لره ال تاپیر. سونوندا دا دئییر تانریم من یالنیز بیله بیلمه‌یه‌جه‌ییمی بیلدیم، تانیمادیغیمین فرقینده اولدوم.
هر کسی سن تانیرسان. هر شئیی سن بیلیرسن. یئتمیش ایکی میللتین هر بیریسینده آزاجیق حق وار (یئتمیش ایکی میللت ایسه/ ال اوزونو یوماز دئییل - یونیس ایمره). کیمسه سنین درگاهیندا یارانماغا لاییق ایمیش‌سه منیم قاپیمدا دا بیر چؤره‌یه ده‌یر (ابو الحسن خرقانی). دین باشقادیر، سئوگی باشقا. هر میللتین (دینین) ایچیندن عاشیقلر باش قالدیرا بیلرلر (مولانا)
عیرفانین منفی یؤنلری ده چوخدور. آنجاق تورکیستاندان آنادولویا کیمی بیر یوموشاق و اینسانا اینانان عیرفان وار. صفوی حکومتی بو عیرفانی یوخا چیخاریب، آیریجا خالقین آلین یازیسینی فقیه‌لره تاپشیردی. اهل سنت و جماعت ده ایشی بئله گؤررکن مفتی‌لرین دالیسینا سیغیندی.
و ایندی داها نه سلوک، نه ایللر بویو زحمت، هئچ شئییه گرک یوخدور. تانری و جنت ائله بو یاخینلاردادیر، بیر دقیقه ایچینده تانری وئرن جانلارین بیریسینی آلسان جنتین آچارلاری سنین الینده‌دیر. نه قدر چوخ اؤلدورسن، نه قدر وحشیجه اؤلدورسن او قدر یوکسک مرتبه صاحیبی‌سن. سنین جنت یولون اینسانلارین قانیندان سووشور.
عیرفانین منفی یؤنلری ده چوخدور. آنجاق تورکیستاندان آنادولویا کیمی بیر یوموشاق و اینسانا اینانان عیرفان وار. صفوی حکومتی بو عیرفانی یوخا چیخاریب، آیریجا خالقین آلین یازیسینی فقیه‌لره تاپشیردی. اهل سنت و جماعت ده ایشی بئله گؤررکن مفتی‌لرین دالیسینا سیغیندی.
و ایندی داها نه سلوک، نه ایللر بویو زحمت، هئچ شئییه گرک یوخدور. تانری و جنت ائله بو یاخینلاردادیر، بیر دقیقه ایچینده تانری وئرن جانلارین بیریسینی آلسان جنتین آچارلاری سنین الینده‌دیر. نه قدر چوخ اؤلدورسن، نه قدر وحشیجه اؤلدورسن او قدر یوکسک مرتبه صاحیبی‌سن. سنین جنت یولون اینسانلارین قانیندان سووشور.
بیر عربم!
اؤزومه بومبا باغلامیشام
گئدیرم اللهینان قارشیلاشام!