باشقا اینسان علیه السلام
بو گون ایمام علی علیه السلامین دوغوم گونو. بیر آز فیکیرلشدیم حضرتین حاققیندا. بیلیریک کی ایسلام دونیاسیندا یوزلر فیرقه، نئحله، باخیش اولوشوب. تقریبن بو فیرقه‌لرین هامیسینین ایچینده پیغمبردن سونرا حضرت علی‌نین ده حضورو واردیر. هئچ بیر صحابه، هئچ بیر ایمام بو قدر حاضیر دئییل مین بیر یئره بؤلونموش ایسلامی اوخونوشلاردا.
*
صوفیزم ایسلام دونیاسیندا باشقا باخیش‌دیر. صوفیزمده سماع وار، موزیک وار. بیر سیرالارا گؤره - یانی منیم باخیشیم بو- صوفیزم ایلکین دینلرین اؤزللیکلرینی او جومله‌دن شامانیزمین بیر سیرا اؤزللیکلرینی اؤزونده ایچریب داوام ائدیب‌دیر. او جومله‌دن خلسه، موزیک و رقص (سماع).
کسین صوفیه فیرقه‌لری ایچینده بیرینجی اولدوز ایمام علی‌دیر.
*
ایمام علی حتی یئنی سولچو کسیم‌لرین ایچینده ده بؤیوک بیر اوغور قازانا بیلمیشدی.
*
و ایمام علی‌نین حضورو هر یئردن آز - یانی چوخ چوخ آز-، فقه ساحه‌سینده دیر. نه موتلو بو ساحه‌ده حضورو آز اولان اینسانلارا!
بو قدر باشقالیق بیر کیشی‌ده (شخص آنلامیندا) نئجه بیر یئره ییغیشا بیلیر؟
