اؤلوم نوتلاریندان 2
اؤلوم نوتو حیاتا
"عطیه کابوس‌لارینین بیریسینده کاکتوس گؤرموشدو "
حیات سعیددیر، ناظیم حیکمتی دینله‌ییب:
«یاشاماق شاکایا گلمز
بؤیوک بیر جیددیت‌له یاشایاجاقسان.»
بیر مئترلیک بیر حوجئیره‌ده، گونلری آج سایاجاقسان. بارماقلیق بئله یوخ سؤیکنمه‌یینه. ایشته دئو هر زامان جان شوشه‌سینی سنین الینده سانیر. اللرینین ترپه‌نیشیندن ائله قورخور کی... اونون گؤزلرینده سن اؤلوم مالیکی‌سن؛ اونون اؤلومونون.
اللرینین نئجه مهربان اولدوغونو یالنیز عطیه بیلیر. اونون کابوسلارینا، کابوسلارینداکی کاکتوسا رؤیا داشییاجاقسان.
عطیه رؤیانی بولودلارا سوناجاق. بولود بیزه یاغا، بیز هامی‌میز رؤیاسیزیق. رؤیالار مسیحین خاچیندان، سعیدین آجلیغیندان سووشور. رؤیالار عطیه‌نین کابوسوندان سووشور.
*
کاکتوس حیات داشی‌ییر و یاشیللیق، اؤزو ده ان چتین دوروملاردا. و کاکتوس هر کسدن یاخشی بیلیر: یاشاماق شاکایا گلمز/ بؤیوک بیر جیددیت‌له یاشایاجاقسان.
معلم گونونو تبریک دئییرم