لامارتین، شهریار، الجواهری
لامارتین‌ین گؤل شعری le lac اونودولماز بیر شعردیر. نئجه کی شهریارین سهندیه‌سی و حیدرباباسی و الجواهری‌نین یا دجلة الخیر-ی.
اینسانلار محیط‌لریله دانیشیرلار، محیط اونلارین گوزگوسودور، اونلاری گؤستریر. لامارتین رومانتیک بیر سئوگی‌یه حسرت یئییر، و ازلی، ابدی سورغویا چکیر او سئوگیسل گونلرین کئچدی‌یینه. لامارتین‌ده کیملیک سورونو یوخدور، تاریخ سورونو یوخدور، او یالنیز اؤز سئوگی‌سینه سوروملودور. شهریار سهندیه‌ده کیملکدن دانیشیر اما عراق سبکی‌نین و خانقاه دوشونجه‌سی‌نین قالینتی‌سی بیر چوروموش دوشونجه‌یله رؤیالارا کئچیر. سهندیه و ایکینجی حیدربابا پهلوی دؤوره‌سینه عایید تورک کیملیگی سورونلارینی اورتایا قویور و بیرینجی حیدربابا نه قدر ده لامارتینا بنزه‌ییر، تام قاجار دؤورونون تورک دوشونجه‌سینه عاییددیر، شهریارین اوشاقلیق تورک کیملی‌یی ذهنینده قاب اولاراق قالیب قاجار دؤوره‌سینده، اونو پهلوی دؤنمی ادبیات دووارینا آسیر.
و الجواهری داغا، دنیزه خطاب دئمیر، الجواهری چایا خطاب دجله‌یه خطاب دئییر شعرینی. ای دجله بوراخ منی اؤز آلین یازیملا، ایلانلارین زهریندن پاییم وار. الجواهری شعرینده چوخ چیلپاق و تعاروفسوز دانیشیر. بوتون عیراقین حوزونلارینی آغریلارینی او شعرده گؤرمک اولار. نئجه کی کرکوک تورک شعرینده ده او آغریلاری گؤرمک اولار.
شعرلر توپلوملارین سسی‌دیر.
---
بو استاتوسو بلکه بیر واخت گئنیشلندیردیم.
