دیرناق آراسی یازیلار

آن گلینجه کؤنول ایله عاغیل بیرگه سئومه‌یه باشلارلار. افلاطونسال آچی ایله ارسطوسل باخیش بیرلشر، ابوسعید ابن سینانین دالیندا نامازا دورار. او لحظه آناسی کوزه‌نی الیندن آلیب بولاق یوللارینی باغلاسا، بولاقدان سو آخار اما... بیریسی سوسوزدان بولاق یانیندا اؤلر و مسلمانلار اونو اؤز مزارلیقلاریندا باسدیرمازلار. بؤیله بیر مزار ایتگین ده قالا بیلر، سمبوله ده چئوریله بیلر... آنجاق هئچ شئی ده‌ییشمز دونیادا... و گله‌نکسل مزارلیق مشروعیتینی الدن وئرمز. هر جوما آخشامی قادینلار سئییدلرین مزارینا یاشیل پارچا باغلارلار. اولسون، گله‌نکسل بیر مزارلیغا دا داریخمیشام...