کیلاسیک دونیادا "او" چوخ بؤیوک اؤنم داشی‌ییر.
عرفاندا دئییرلر آللاهی تانیتماغا باشلایاندا یالنیز "هو" دئمک اولار. و او اوزدن توحید سوره‌سینده "هو" هر شئی‌دن حتی "الله"دان قاباق گلیر.
بشر چوخ اوزون سوره‌لی بیر یول گلدی "من"ه یئتیشمه‌یه. و "سن" بورادا آنلام تاپدی.
ایندی "سن"
گیرامیر کیتابلاریندا دئییلن
ساده بیر ضمیر
دئییلـ "_سن".
آن گلینجه کؤنول ایله عاغیل بیرگه سئومه‌یه باشلارلار. افلاطونسال آچی ایله ارسطوسل باخیش بیرلشر، ابوسعید ابن سینانین دالیندا نامازا دورار. او لحظه آناسی کوزه‌نی الیندن آلیب بولاق یوللارینی باغلاسا، بولاقدان سو آخار اما...
بو گونلر لئیلاجی آختاریرام
بیر بیلسئیدیم اودوزاندان سونرا هانسی کؤهوله هانسی حامام تونونه سیغینیب؟
اونو آرارکن کیمسه کسرمی قاباغیمی، مصلوب مسیح بیچیمینده 180 درجه آچارکن قوللارینی؟
سنسیز او ایچیمده‌کی اوشاق آغاج مینیب آت گزدیره بیلمه‌یه‌جک داها
قادان آلیم کیچیک خطرلی آدیملا امضا
